बलात्कार घटनाका आरोपित विरुद्ध उजुरी

१५ वर्षीया वालिकालाई बलात्कार गरेको आरोपमा पीडित पक्षले बहुदरमाई नपा–४ डकैला बुहवरीका २३ वर्षीय रम्भु साह तेली विरुद्ध जिल्ला प्रहरी कार्यालयमा मङ्सिर २६ गते उजुर दिएको छ ।
आरोपित तेलीले बालिकालाई बिवाह गर्ने लोभ देखाएर ०७९ कात्तिक १४ गते बलात्कार गरेको पीडित पक्षको आरोप छ ।
पीडित बालिकाको स्वास्थ्य परीक्षण सोही दिन वीरगंजको नारायणी अस्पतालमा गरिएको जिल्ला प्रहरी कार्यालय पर्साका डिएसपी दीपक गिरीले जानकारी दिनु भयो । घटना पछि आरोपित तेली फरार रहेकोले खोजि कार्य भइरहेको डिएसपी गिरीले बताउनु भयो ।