निर्वाचन आचार संहिता विपरीत नेपाली कांग्रेसले दमौलीमा मङ्सिर १ गते मोटरसाइमोकल र्याली निकालेको छ ।
निर्वाचन आयोगले जारी गरेको प्रतिनिधि सभा तथा प्रदेश सभा निर्वाचन २०७९ को आचार संहिताको १४ नम्बर बुँदाको ज नम्बरमा उल्लेख गरिएको प्रावधान विपरीत मोटरसाइकल र्याली निकालेर चुनावको प्रचार गरेको हो ।
त्यसैगरी र्यालीमा आचार संहिता विपरीत झन्डा पनि प्रयोग गरिएको छ । आचार संहिताको च नम्बर बुँदामा जुलुस तथा आमसभामा प्रयोग गरिने झन्डाको साईज उल्लेख छ । सो अनुसार जुलुस तथा आमसभामा १०×१८ साईजको भन्दा ठूलो झन्डा प्रयोग गर्न नपाईने भए पनि र्यालीका सहभागीले उक्त साईज भन्दा ठूला ठूला झन्डा प्रयोग गरेका थिए ।
यस सम्बन्धमा जिल्ला निर्वाचन अधिकारी हरिप्रसाद ढकालले उजुरी परेपछि यसबारेमा छानबिन गरिने बताउनु भयो ।
