१४ वर्षीया बालिकालाई बलात्कार गरेको आरोपमा धादिङको सिद्धलेख गाउँपालिका–२ पात्ले घर भई हाल काठमाडौं महानगरपालिका–१५ भगवानपाउ बस्ने २० वर्षीय सुमन गिरीलाई प्रहरीले ०७९ कात्तिक २६ गते गिरफ्तार गरेको छ ।
आरोपितले कात्तिक २५ गते पीडितलाई ललाई फकाई स्वयम्भू स्तुपा नजिकै जंगलमा लगेर बलात्कार गरेको भन्दै पीडितका आफन्तले कात्तिक २५ गते प्रहरी वृत्त स्वयम्भूमा उजुरी दिएका थिए ।
पीडित पक्षको उजुरीपछि प्रहरीले आरोपितलाई कात्तिक २६ गते भगवानपाउबाट गिरफ्तार गरेको जिल्ला प्रहरी परिसर काठमाडौँका प्रवक्ता एसपी दिनेशराज मैनालीले बताउनुभयो ।
आरोपितलाई कात्तिक २७ गते जिल्ला अदालतबाट पाँच दिनको म्याद थप गरेर हिरासतमा राखी अनुसन्धान सुरु गरिएको एसपी मैनालीले बताउनुभयो ।
पीडित बालिकाको स्वास्थ्य परीक्षण थापाथलीस्थित प्रसुति गृहमा कात्तिक २५ गते गरियो ।