मिर्चैया नपा–१ की १४ वर्षीया सावित्रीकुमारी सदालाई बलात्कारपछि पीडितले आत्महत्या गरेको घटनाका आरोपित मिर्चैया नपा–२ का २४ वर्षीय सतिससकुमार साफीलाई इलाका प्रहरी कार्यालय मिर्चैयाले असार २८ गते गिरफ्तार गरेको छ ।
पीडित बालिकामलाई आरोपितले असार २० गते बलात्कार गरेको स्थानीयले थाहा पाएपछि आरोपित भागेको र असार २१ गते पीडित बालिकाले घरमै सलले पासो लगाई आत्महत्या गरेको मृतककी आमा सुनैनादेवी सदाले बताउनु भयो ।
पीडित पक्षले इलाका प्रहरी कार्यालय मिर्चैयामा असार २१ गते बलात्कार र आत्महत्या दुरूत्साहनमा उजुरी दिएको छ ।
शवको पोष्टमार्टम विपी कोइराला स्वास्थ्य विज्ञान प्रतिष्ठान धरानमा असार २२ गते गरिएको थियो ।
इलाका प्रहरी कार्यालय मिर्चैयाका डिएसपी हरिबहादुर वलीले घटनामा संलग्नमध्ये एक जना आरोपितलाई गिरफ्तार गरी अनुसन्धानको लागि म्याद थप गरिएको र अर्का एक जना आरोपित ‘फरार’ रहेकोले खोजतलास भइरहेको बताउनु भयो ।