बलात्कार घटनाका फरार आरोपित गिरफ्तार

३१ वर्षीया गर्भवती महिलालाई बलात्कार गरी फरार रहेको कैलालीको लम्कीचुहा नगरपालिका–२ घर भएका  ३५ वर्षीय सागर शाहीलाई प्रहरीले चन्द्रागिरी नगरपालिका –२ नागढुङ्गाबाट वैशाख १४ गते गिरफ्तार गरेको छ ।
पीडित महिलालाई ०७८ चैत ८ चन्द्रागिरी नगरपालिकास्थित आफ्नै घरको कोठाभित्र डर त्रास देखाई बलात्कार गरेको भन्दै पीडित पक्षले  शाहीविरुद्ध सोही दिन  प्रहरी वृत चन्द्रागिरीमा उजुरी दिएपछि उनी फरार रहेका थिए ।
पीडितलाई आरोपितले घरमा कोही  नभएको मौका परेर  बलात्कार गरेको जिल्ला प्रहरी परिसर टेकुका एसपी दिनेशराज मैनालीले बताउनु भयो ।
पीडितको स्वास्थ्य परीक्षण पुस ०७८ चैत ८ गते थापाथलीस्थित प्रसुति गृहमा गरिएको थियो ।