१३ वर्षीया बालिकालाई चैत १९ गते यौन दुर्व्यवहार गरेको आरोपमा प्रहरीले बुढीनन्दा नगरपालिका–६ का २३ वर्षीय बसन्त पाण्डेलाई चैत २० गते गिरफ्तार गरेको छ ।
म्यादी प्रहरीमा भर्ना हुन सदरमुका, मार्तडी आएको समयमा छोरीलाई ललाईफकाई गरेर यौन दुर्व्यवहार गर्न खोजिएकोले आरोपित विरुद्ध जिल्ला प्रहरी कार्यालयमा चैत २० गते उजुरी दिएको पीडितकी आमाले बताउनु भयो ।
पीडित पक्षले दिएको उजुरीका आधारमा ईलाका प्रहरी कार्यालय, केल्टीबाट खटिएको टोलीले आरोपितलाई गिरफ्तार गरी चैत २० गते जिल्ला प्रहरी कार्यालयमा ल्याएर जिल्ला अदालतबाट ६ दिनको म्याद थप गरेर अनुसन्धान भइरहेको जिल्ला प्रहरी कार्यालयका इन्स्पेक्टर धनदेव साउदले इन्सेक प्रतिनिधिसँगको फोन सम्पर्कमा बताउनु भयो ।
पीडितको स्वास्थ्य परीक्षण चैत २० गते जिल्ला अस्पतालमा गरिएको छ ।