१६ वर्षीया बालिकालाई बलात्कार गरेको आरोपमा प्रहरीले गैडहवा गाउँपालिका–३ सगरहवाका २२ वर्षीय प्रदिप कुमाललाई चैत १२ गते घरबाट गिरफ्तार गरेको छ ।
पीडितलाई आरोपितले चैत २ गते बलात्कार गरेको भन्दै पीडितले चैत १२ गते इलाका प्रहरी कार्यालय लुम्बिनीमा उजुरी दिनुभयो ।
उजुरीका आधारमा कारबाही अगाडि बढाएको इलाका प्रहरी कार्यालय लुम्बिनीका इन्सपेक्टर युवराजजंग कार्कीले फोन मार्फत बताउनु भयो ।
पीडितको स्वास्थ्य परीक्षण चैत १२ गते भीम अस्पताल भैरहवामा गरिएको छ ।