१६ वर्षीया बालिकालाई बलात्कार गरेको आरोपमा चन्द्रपुर नगरपालिका–२ का २० वर्षीय सुजन सिंजाली मगरविरूद्ध पीडितले माघ २८ गते इलाका प्रहरी कार्यालय चन्द्रनिगाहापुरमा उजुरी दिएकी छन् ।
विवाह गर्छु भनी डर, धम्की, प्रलोभन, देखाएर करिब एक वर्षदेखि पटक–पटक बलात्कार गर्दै आएको र पछिल्लो पटक आरोपितले माघ २२ गते बलात्कार गरेको पीडितको आरोप छ ।
पीडित बालिकाको स्वास्थ्य परीक्षण चन्द्रनिगाहपुर अस्पतालमा माघ २८ गते गरिएको इलाका प्रहरी कार्यालय चन्द्रनिगाहपुरका डिएसपी लिलाराज लामिछानेले बताउनु भयो । आरोपित फरार रहेको प्रहरीको भनाइ छ ।