१६ वर्षीया बालिकालाई ०७८ भदौ १८ गते बलात्कार गरी फरार रहेका कसुरदार वीरेन्द्रनगर नपा–१६ का २० वर्षीय रुद्र बहादुर खड्कालाई माघ २७ गते प्रहरीले गिरफ्तार गरेको छ ।
सुर्खेत जिल्ला अदालतको २०७८ असोज १३ गतेको फैसलाले नौ वर्ष ११ महिना २१ दिन कैद र चार लाख रुपियाँ जरिवाना तोकिएका खड्कालाई कर्णाली प्रदेश प्रहरी कार्यालय, सुर्खेतबाट सादा पोशाकमा खटिएको प्रहरी टोलीले वीरेन्द्रनगर नपा–७ घण्टाघरबाट गिरफ्तार गरेको हो ।
गिरफ्तार खड्कालाई जिल्ला प्रहरी कार्यालय, सुर्खेतमार्फत आवश्यक कारवाहीका लागि सुर्खेत जिल्ला अदालतमा पठाइएको इन्स्पेक्टर कनकबहादुर शाहीले जानकारी दिनुभयो ।