नेपाल राष्ट्रिय शिक्षक सङ्गठन रौतहटका जिल्ला अध्यक्ष ४७ वर्षीय मणिशङ्कर निधिलाई ०७३ फागुन २३ गते साँझ मधेशी मोर्चाका कार्यकर्ताले मोसो दलेर दुर्व्यवहार गरेका छन् ।
जिल्ला सदरमुकाम गौरस्थित वीपी चोकबाट मोटरसाइकलमा आफ्नो निवासतर्फगइरहेका निधिलाई मोर्चाका दुई जना कार्यकर्ताले मोटरसाइकल रोकी अनुहार र शरीरमा मोबिल खन्याएर भागेको नेकपा एमालेका जिल्ला सचिव लक्ष्मण रेग्मीले बताए ।
निधि एमालेको मेची महाकाली कार्यक्रमको प्रचार प्रसारको काममा रहेको एमालले जनाएको छ । शिक्षक निधिलाई दुर्व्यवहार गर्ने मोर्चाका कार्यकर्ताको खोजतलास भइरहेको जिल्ला प्रहरी कार्यालय, रौतहटले जनाएको छ । शिक्षक निधि नेकपा एमाले जिल्ला सल्लाहाकार सदस्य समेत हुन् ।