मोहन वैद्य नेतृत्वको नेपाल कम्युनिष्ट पार्टी माओवादी (क्रान्तिकारी) ले माडी नगरापलिका–३ स्थित भैरवपुरमा रहेको ट्वान्टी वान ग्रुपले प्लटिङ गरेको २५ बिघा जग्गा कब्जा गरेको जनाएको छ ।
चितवन जिल्ला इन्चार्ज घननाथ सापकोटाको नेतृत्वमा गएका नेकपा माओवादी क्रान्तिकारीका कार्यकर्ताको टोलीले सो जग्गामा साउन १६ गते झण्डा गाडेर कब्जाको घोषणा गरेको हो ।
पार्टीका जिल्ला इन्चार्ज सापकोटाले गरिब जनताबाट सस्तोमा जग्गा किनेर भूमाफियाले चलखेल गरेको आरोप लगाउँदै गरिब जनताको स्थायी बसोबासको टुङ्गो नलाग्दासम्म उक्त जग्गाको कारोबारमा रोक लगाइएको इन्सेक प्रतिनिधिलाई बताउनु भयो ।
माडी नगरपालिकाका प्रमुख ठाकुर ढकालले के कति कारणले जग्गा कब्जा गरिएको हो भन्ने थाहा हुन नसकेको बताउनु भयो ।
नेकपाले कब्जा गरेको घोषणा गर्दै उक्त जग्गामा गाडिएको पार्टीको झण्डा इलाका प्रहरी कार्यालय माडीको प्रहरी टोलीले तत्कालै हटाएको प्थिरहरीले जनाएको छ ।