१५ वर्षीया बालिकालाई बलात्कार गरेको आरोपमा काभ्रे जिल्ला धुलिखेल नगरपालिका–८ का २३ वर्षीय जयराम चौलागाईलाई महानगरीय प्रहरी वृत्त जनसेवा काठमाडौँको प्रहरी टोलीले सुन्धाराबाट असार ६ गते गिरफ्तार गरेको छ ।
असार ५ गते बिहान १० बजे बालिका हराएपछि बालिकाकी आमाले जिल्ला प्रहरी कार्यालय धुलिखेलमा दिएको निवेदनको आधारमा खोजतलास गर्ने क्रममा महानगरीय प्रहरी वृत्त जनसेवा, काठमाडौँको प्रहरी टोलीले असार ६ गते बालिकालाई सुन्धारामा फेला पारेर भक्तपुरलाई बुझाएको थियो ।
पीडित बालिकालाई घुम्न जाने भनेर फकाउँदै अरोपित चौलागाईले असार ५ गते भक्तपुर नगरपालिका–४ स्थित भक्तपुर गेष्ट हाउसमा ल्याएर डर, धम्की र त्रास देखाएर बलात्कार गरेको भन्दै पीडित बालिकाकी आमाले महानगरीय प्रहरी वृत्त जगातीमा असार ६ गते उजुरी दिनु भएको प्रहरी परिसर भक्तपुरका डिएसपी दीपक गिरीले बताउनु भयो ।
बालिकाको स्वास्थ्य परीक्षण असार ६ गते काठमाडौँ मेडिकल कलेज, दुवाकोटमा भयो ।