कोभिड–१९ को सङ्क्रमणसम्बन्धी दैनिक अपडेट (पुस ७ गते)

पुस ७ गते ७ सय २२ जनामा कोभिड–१९ को सङ्क्रमण पुष्टि भएसँगै सङ्क्रमितको सङ्ख्या २ लाख ५५ हजार २ सय ३६ पुगेको स्वास्थ्य तथा जनसङ्ख्या मन्त्रालयले जनाएको छ । गत २४ घण्टामा ७ हजार ओटा नमूना परीक्षण गरेको पनि मन्त्रालयले जनाएको छ । सङ्क्रमितमध्ये २ लाख ४५ हजार ७ सय ९ जना निको भएका छन् । पुस ७ गते ९ सय ६६ जना निको भएका छन् भने निको हुनेको दर ९६.३ प्रतिशत रहेको मन्त्रालयले जनाएको छ । पुस ७ गतेसम्म १ हजार ७ सय ९८ जना कोभिड सङ्क्रमितको मृत्यु भएको मन्त्रालयले जनाएको छ । पुस ७ गते तीन जना सङ्क्रमितको मृत्यु भएको मन्त्रालयले जनाएको छ । ७ हजार ७ सय २९ जना सक्रिय सङ्क्रमित रहेका छन् ।