नेपालगञ्ज उपमनपामा कोरोना भाइरसका सङ्क्रमित सङ्ख्या बढेपछि जिल्ला प्रशासन कार्यालयले वैशाख २३ गते तीन दिनका लागि निषेधज्ञा जारी गरेको छ । वैशाख २३ गते बिहान ११ बजेदेखि वैशाख २५ गते मध्यरातसम्म निषेधज्ञा जारी गरेको हो ।
नेपालगञ्ज उपमनपामा वैशाख २३ गते थप सात जनामा कोरोना भाइरसको सङ्क्रमण पुष्टी भएको छ । भेरी अस्पतालमा गरिएको स्वाब परीक्षणमा नौ वर्षदेखि देखि ५५ वर्ष उमेर समूह सम्मका चार जना महिला र तीन जना पुरूषमा सङ्क्रमण पुष्टी भएको स्वास्थ्य तथा जनसङ्ख्या मन्त्रालयले जनाएको छ । यससँगै जिल्लामा कोरोना सङ्क्रमितको सङ्ख्या २३ पुगेको छ ।
कोरोना सङ्क्रमण पुष्टी भएकाहरूलाई सुशील कोइराला प्रखर क्यान्सर अस्पतालको आइसोलेशन भर्ना गरिएको गरिएको र सबैको स्वास्थ्य अवस्था सामान्य रहेको छ ।