चौतारा सागाँचोकगढी–६ कुविण्डेका २० वर्षीय पतिले बैवाहिक बलात्कार गरेको आरोपमा पीडितले ०७६ फागुन २७ गते जिल्ला प्रहरी कार्यालयमा सिन्धुपाल्चोकमा उजुरी दर्ता गराउनु भएको छ ।
आरोपितले ०७६ फागुन २१ गते १९ वर्षीय पत्नीलाई बैवाहिक बलात्कार गरेको पीडितको आरोप छ । आरोपित र पीडितबीच ०७५ माघमा प्रेम विवाह भएको पीडितको भनाई छ । पीडितको ०७६ फागुन २७ गते चौतारा अस्पतालमा स्वास्थ्य परीक्षण भएको जिल्ला प्रहरी कार्यालयका डिएसपी माधवप्रसाद काफ्लेले बताउनु भयो । पीडितले इन्सेक जिल्ला प्रतिनिधिको कार्यालयमा सहयोगको लागी अनुरोध गरेपछि इन्सेक प्रतिनिधिको सहयोगमा मुद्दा दर्ता भएको थियो ।