५६ वर्षीया एकल महिलालाई बलात्कार प्रयास गरेको आरोपमा खडक नपा–१ का २२ वर्षीय बिद्यानन्द साहविरुद्ध इलाका प्रहरी कार्यालय कडरबोनाले फागुन २१ गते उजुरी दर्ता गरेको छ ।
घोंघी बेच्न बजार जान भनी ट्रयाक्टर चढेकी पीडितलाई फागुन ४ गते राति ट्रयाक्टर चालक आरोपित साहले बजारको साटो एकान्त बाटोतर्फ लगी सुनसान अध्यारोमा ट्रयाक्टर रोकी बलात्कार प्रयास गरेको पीडितले बताउनु भयो । महिलाको गुहार सुनी सोही बाटोबाट गइरहेको मोटरसाइकल रोकिएको आवाज सुनेपछि आरोपित फरार भएको उहाँले बताउनु भयो ।
पीडितले फागुन ६ गते उजुरी दिएपछि उहाँको गजेन्द्रनारायण सिंह अस्पतालमा फागुन ७ गते स्वास्थ्य परिक्षण भयो । आरोपित हालसम्म गिरफ्तार नभएको र खोजी कार्य भइरहेको इलाका प्रहरी कार्यालय कडरबोनाका इन्स्पेक्टर रामराजा केशरीले जानकारी दिनुभयो ।