१२ वर्षीया बालिका बलात्कार गरेको आरोपमा प्रहरीले कोहलपुर नपा–१२ निबुवाका ३० वर्षीय भोजबहादुर थापालाई फागुन १३ गते गिरफ्तार गरेको छ ।
फागुन १० गते साथीहरूसँग जङ्गलमा बयर खान गएकी बालिकालाई आरोपितले साथीहरूलाई भगाएर बलात्कार गरेको भन्दै पीडित पक्षले फागुन १० गते इलाका प्रहरी कार्यालय कोहलपुरमा उजुरी दिएका थिए ।
घटना पछि फरार रहेका आरोपितलाई बर्दिया जिल्ला बासगढी नपाबाट गिरफ्तार गरिएको इलाका प्रहरी कार्यालय कोहलपुरका सई रणधीर जैसीले बताउनु भयो ।
बालिकाको स्वास्थ्य परीक्षण फागुन १० गते भेरी अस्पताल, नेपालगञ्जमा गरिएको प्रहरीले जनायो ।