१२ वर्षीया बालिकालाई बलात्कार गरेको कसुरमा अदालतले त्रियुगा नगरपालिका–१५ का ५१ वर्षीय कृष्णबहादुर दनुवारलाई माघ २३ गते १८ वर्ष कैद सजायको फैसला सुनाएको छ ।
न्यायधीश दीपक खनालको इजलासले कैद सजायसँगै पीडितले पाउने गरी दश हजार रुपियाँ क्षतिपूर्ति भराउन आदेश दिएको छ ।
आरोपितले ०७६ असार ५ गते बलात्कार गरेको आरोपमा पीडित पक्षले आरोपित विरूद्ध असार १३ गते जिल्ला प्रहरी कार्यालयमा उजुरी दिएका थिए ।
आरोपितलाई प्रहरीले साउन १६ गते गिरफ्तार गरी सोही दिन जिल्ला अदालतमा बलात्कार शीर्षकमा मुद्दा दर्ता गरी कारबाही अघि बढाएको थियो ।
जिल्ला अदालतको भदौ ७ गतेको आदेशमा आरोपित पुर्पक्षका लागि थुनामा थिए ।
पीडित बालिकाको स्वास्थ्य परीक्षण जिल्ला अस्पतालमा असार १३ गते गरिएको थियो ।