७४ वर्षीया अपाङ्गता भएकी महिलालाई बलात्कार गरेको कसुरमा अदालतले लिखु गाउँपालिका –९ का ५८ वर्षीय पूर्णबहादुर विकलाई ११ वर्ष कैद सजायको फैसला गरेको छ ।
न्यायधीश दलबहादुर केसीको माघ १६ गतेको इजलासले कसुर ठहर वृद्धा बलात्कारमा नौ वर्ष र असाहयलाई बलात्कार कसुरमा २ वर्ष गरी ११ वर्ष कैद सजायको आदेश भएको श्रेस्तेदार नेत्रबन्धु पौड्यालले बताउनुभयो ।
आरोपितले ०७५ पुस १९ गते बलात्कार गरेको आरोपमा पीडित पक्षले सोही दिन जिल्ला प्रहरी कार्यालयमा उजुरी दिएपछि प्रहरीले आरोपितलाई सोही दिन गिरफ्तार गरेको थियो ।
जिल्ला अदालतको ०७५ माघ १८ को आदेशमा आरोपित पुर्पक्षका लागि थुनामा थिए ।
पीडितको स्वास्थ्य परीक्षण जिल्ला अस्पतालमा माघ १ गते गरिएको थियो ।