१४ वर्षीया बालिका बलात्कार गरेको कसुरमा अदालतले सजाय फैसला गरेपछि फरार रहेका इलाम नगरपालिका– ११ का ३९ वर्षीय सन्तोष एक्तेनलाई प्रहरीले माघ १३ गते गिरफ्तार गरेको छ ।
२०५५ साल माघ १८ गते अदालतले बलात्कार गरेको कसुरदारमा १० महिना २२ दिन कैद सजाय हुनेगरी फैसला गरेपछि आरोपित फरार रहेका थिए ।
कसुरदार एक्तेन ०७६ गत माघ ९ गते आफ्नो नाम फेरिएको सिफारिस लिएर जिल्ला प्रशासन कार्यालयमा नागरिकता बनाउन आएका थिए ।
सरु एक्तेनबाट नागरिकताको सिफारिस लिएर आएका एक्तेनले किर्ते कागजात बनाएको थाहा पाएर आफू पुग्दा उनी त्यहाँबाट पनि भागेको एसपी हीराबहादुर पाण्डेले बताउनु भयो ।
वडाध्यक्षको सिफारिस लिएर आएका एक्तेन भागेपछि प्रहरीले उनको खोजी कार्य बढाएको थियो । गिरफ्तार गरिएका एक्तेनलाई कैद भुक्तानका लागि १३ गते नै कारागार पठाइएको एसपी पाण्डेले जानकारी दिनुभयो ।