१४ वर्षीया बालिकालाई बलात्कार गरेको आरोपमा प्रहरीले बुटवल उपमनपा–११ का २१ वर्षीय बिवेक थापालाई पुस १९ गते बुटवलबाट गिरफ्तार गरेको छ ।
पीडितलाई आरोपितले पुस १९ गते बलात्कार गरेको भन्दै पीडितकी आमाले पुस १९ गते इलाका प्रहरी कार्यालय, बुटवलमा उजुरी दिनु भएको थियो । पीडित पक्षको उजुरीका आधारमा कारवाही अगाडि बढाइएको इलाका प्रहरी कार्यालय, बुटवलका डिएसपी भीमलाल भट्टराईले बताउनु भयो ।
पीडितको स्वास्थ्य परीक्षण पुस २० गते लुम्बिनी प्रादेशिक अस्पताल, बुटवलमा गरिएको प्रहरीले जनायो ।