३१ वर्षीया महिलालाई बलात्कार गरेको आरोपमा प्रहरीले इलाम जिल्ला, रोङ गाउँपालिका–३ स्थायी घर भई कन्काई नगरपालिका–४ स्थित कोटीहोममा बस्दै आएका ४४ वर्षीय छत्रबहादुर गुरूङलाई जेठ १३ गते गिरफ्तार गरेको छ ।
पीडित महिलालाई आरोपितले पटकपटक बलात्कार गरेको र अन्तिम पटक वैशाख २९ गते बलात्कार गरेको आरोपमा पीडितले आरोपितविरूद्घ जेठ १३ गते जिल्ला प्रहरी कार्यालयमा उजुरी दिएकी थिइन् ।
पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी महेन्द्रकुमार श्रेष्ठले बताए ।
पीडित महिलाको स्वास्थ्य परीक्षण मेची अञ्चल अस्पतालमा जेठ १३ गते गरिएको छ ।