नेत्रविक्रम चन्द (विप्लव) नेतृत्वको नेपाल कम्युनिष्ट पार्टीको भातृ सङ्गठन अखिल क्रान्तिकारीका बागलुङ जिल्ला संयोजक २२ वर्षीय प्रविण सापकोटालाई जिल्ला प्रहरी कार्यालय, बागलुङले चैत १८ गते गिरफ्तार गरेको छ ।
बागलुङ नपा–४ कुँडुले बस्ने सापकोटालाई प्रहरीले बागलुङ नपा–२ लोकतान्त्रिक चोकबाट गिरफ्तार गरेको जिल्ला प्रहरी कार्यालय बागलुङका डिएसपी झविन्द्रप्रसाद भट्राईले जानकारी दिए ।
गिरफ्तार गरिएका सापकोटालाई हिरासतमा राखी अनुसन्धान गरिरहेको जिल्ला प्रहरी कार्यालय, बागलुङले जनाएको छ ।