नवयुवा पुस्ताको आन्दोलनका क्रममा ०८२ भदौ २४ गते तुलसीपुर कारागारबाट भागेका घोराही उपमहानगरपालिका–१३ का ३३ वर्षीय कैदी गोविन्द बिकलाई प्रहरीले असार २७ गते घोराहीबाट गिरफ्तार गरेको छ ।
जवरजस्तीकरणी मुद्दामा २५ वर्ष कैद फैसला भुक्तान गरिरहेका बिक नवयुवा पुस्ताको आन्दोलनका क्रममा जेल तोडेर भागेका थिए । लुकिछिपी बसिरहेको सूचनाका आधारमा बिकलाई गिरफ्तार गरी तुलसीपुर कारागार पठाइएको जिल्ला प्रहरी कार्यालय दाङका डिएसपी डा.हेमबहादुर केसीले जानकारी दिनुभयो ।