१० वर्षीया बालिकालाई बलात्कार गरेको कसुरमा जिल्ला अदालत सिरहाले धनगढीमाई नगरपालिका–१३ का ७२ वर्षीय रुद्र बहादुर खत्रीलाई ०८३ असार १८ गते कसुरदार ठहर गर्दै जन्मकैदको फैसला गरेको छ ।
जिल्ला अदालतका न्यायाधीश गोपालप्रसाद थापाको एकल इजलासले आरोपितलाई ७ लाख रुपियाँ जरिबाना तथा १ लाख रुपियाँ क्षतिपूर्ती समेतको फैसला गरेको हो ।
बालिकालाई ०८१ असोज १४ गते र मङ्सिर ३ गते बलात्कार गरेको भन्दै आरोपितविरुद्ध पीडित पक्षले मङ्सिर ५ गते इलाका प्रहरी कार्यालय लहानमा उजुरी दिएका थिए । प्रहरीले मङ्सिर ९ गते आरोपितलाई गिरफ्तार गर्यो । पीडित बालिकाको स्वास्थ्य परीक्षण प्रादेशिक अस्पताल लहानमा मङ्सिर ५ गते भयो । जिल्ला अदालतको ०८१ पुस ४ गते इजलासले आरोपितलाई पुर्पक्षका लागि थुनामा पठाउने आदेश गरेको थियो ।