चार जना महिलालाई काँकडभिट्टा नाका हुँदै भारतर्फ बेचविखनका लागि लगेको आरोपमा प्रहरीले भारत आसामको गुहावटी बस्दै आएकी ५९ वर्षीया लीलादेवी भनिने रामपियारी पन्थीलाई फागुन २६ गते गिरफ्तार गरेको छ ।
भारत हुँदै हङकङ लैजान भारतीय कागजातहरु बनाइदिने प्रलोभनमा पारी चार जना महिलालाई मेचीनगर नगरपालिका ६ मेची भन्सार गेट अगाडिबाट भारत लैजान लागेको आरोपमा प्रहरीले पन्थीलाई गिरफ्तार गरेको छ ।
प्रहरीले सोधपुछका क्रममा पीडितहरुले भारतीय कागजात बनाएर हङकङ लैजानेका लागि भारततर्फ लगेको बताएपछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी खगेन्द्रबहादुर खड्काले बताउनु भयो ।
उद्दार गरिएका महिलाहरुलाई आफन्त नेपालको सेफ हाउसमा र आरोपितलाई अनुसन्धानका लागि प्रहरी हिरासतमा राखिएको छ ।