१५ वर्षीया बौद्धिक अपाङगता भएकी बालिकालाई बलात्कार गरेको आरोपमा प्रहरीले काभ्रेपलाञ्चोक जिल्ला कुशादेवी गाउँपालिका–७ स्थायी घरभई बुटवल उपमहानपा–१७ रानीगञ्ज बस्ने अटोरिक्सा चालक प्रकाश घिमिरेलाई ०८२ पुस १२ गते बुटवलबाट गिरफ्तार गरेको छ ।
आरोपितले बालिकालाई पुस १२ गते बलात्कार गरेको भनी पीडित पक्षले पुस १३ गते इलाका प्रहरी कार्यालय बुटवलमा उजुरी दिएका थिए ।
पीडित बालिकाको स्वास्थ्य परीक्षण पुस १२ गते लुम्बिनी प्रादेशिक अस्पताल बुटवलमा गरिएको छ ।