१० वर्षीया बालिकालाई बलात्कार गरेको कसुरमा जिल्ला अदालत रुपन्देहीले सियारी गाउँपालिका–१ का ६८ वर्षीय बाबुलाई २२ वर्ष कैदको सजायको फैसला गरेको छ ।
जिल्ला अदालतका न्यायाधीश श्यामलाल घिमिरेको मङ्सिर २४ गतेको इजलासले आरोपितलाई कसुर ठहर गर्दै २२ वर्ष कैद, ७ लाख ४० हजार रुपियाँ जरिबाना, ५० हजार रुपियाँ क्षतिपूर्ति र २ हजार २ सय रुपियाँ पीडित राहत कोषमा दाखिला गर्ने फैसला गरेको जिल्ला अदालतका सूचना अधिकारी पदम अर्यालले जानकारी दिनुभयो ।
आरोपितले बालिकालाई ०८१ वैशाख ६ गते बलात्कार गरेको भन्दै पीडित पक्षले वैशाख १३ गते जिल्ला प्रहरी कार्यालयमा उजुरी दिएको थियो । प्रहरीले आरोपितलाई वैशाख १३ गते घरबाटै गिरफ्तार गरेको थियो । पीडितको स्वास्थ्य परीक्षण बैशाख १३ गते भिम अस्पताल भैरहवामा गरिएको छ ।