१८ वर्षीया युवतीलाई बलात्कार गरेको आरोपमा पीडित पक्षले इलाका प्रहरी कार्यालय मिर्चैयामा पुस २७ गते उजुरी दिएको छ ।
नाम र ठेगाना नखुलेको करिब २२ वर्षीय युवकले पुस २५ गते पीडित युवतीलाई बलात्कार गरेको पीडित पक्षले प्रहरीमा दिएको उजुरीमा उल्लेख छ ।
फोनबाट चिनजान भएको आधारमा भेटघाट गर्न बोलाएर बलात्कार गरेकोले कारवाहीको लागि उजुरी हालेको पीडित परिवारले जनाएको छ । पीडित युवतीको स्वास्थ्य परीक्षण जिल्ला अस्पताल सिरहामा पुस २५ गते गरिएको छ ।
इलाका प्रहरी कार्यालय मिर्चैयाका डिएसपी सुकदेव खनालका अनुसार घटनाको मौखिक जानकारी २५ गते नै आएकाले कारवाही प्रक्रिया अगाडि बढाइएको छ । आरोपितको पहिचान फोनको आधारमा खुले पनि गिरफ्तार गरेपछि मात्रै नाम सार्वजनिक गर्ने डिएसपी खनालले बताए ।