देबाही गोनाही नगरपालिका–९ धरहरी टोलमा रहेको श्रीराम जानकी ब्रह्माबाबा मठमा कृष्ण जन्माष्टमी मेलाको उद्घाटनका क्रममा साउन ३१ गते झडप हुँदा नगरप्रमुख ४५ वर्षीय प्रेमलाल साह कानुन घाइते हुनु भएको छ ।
झडपमा नगरप्रमुख प्रेमलाल सहित इलाका प्रहरी कार्यालय गोनाहीका प्रहरी जवान ३५ वर्षीय जगदिश राय यादव, प्रहरी जवान ३२ वर्षीय धनसुन्दर ठाकुर, २५ वर्षीय श्याम बिनय साह र ३८ वर्षीय राम विकाश साह घाइते भएका छन् ।
ढुङ्गा प्रहारबाट नगरप्रमुख कानुको टाउकोमा चोट लागेको छ भने अन्य घाइते प्रहरी जवानहरुको क्रमशः टाउको, हात र गालामा चोट लागेको छ । घाइतेहरुको गरुडा स्थित वेटर मल्टिस्पेस्लिटी अस्पतालमा उपचार भएको छ ।
नगरप्रमुख कानुलाई थप उपचारका लागि बीरगञ्ज स्थित नेशनल मेडिकल कलेज अस्पतलमा रेफर गरिएको इलाका प्रहरी कार्यालय गरुडाका डिएसपी राजन कार्कीले बताउनु भयो ।
नगरप्रमुख प्रेमलाल साह कानुले कृष्ण जन्माष्टमी मेलाको उद्घाटन गर्ने क्रममा तीन चार जनाको समूले आफूमाथि ढुंगा प्रहार गरेको बताउनु भयो ।
झडपमा संलग्न भएको आरोपमा प्रहरीले देबाही गोनाही नगरपालिका–९ का ३० वर्षीय राधामोहन साह, २८ वर्षीय बिनोद साह र १६ वर्षीय रितिक साहलाई गिरफ्तार गरी इलाका प्रहरी कार्यालय गरुडामा राखी अनुसन्धान भइरहेको डिएसपी कार्कीले बताउनु भयो ।
स्थानीय र मेयरका समर्थक बिच कृष्ण जन्माष्टमी मेलाको उद्घाटन कसले गर्ने भन्ने विषयमा विवद हँुदा झडपको भएको थियो ।
कृष्ण जन्माष्टमी मेलाको उद्घाटन नगर प्रमुखले नै गर्नु पर्ने एक पक्षको अडान र नगर प्रमुखलाई उद्घाटन गर्न नदिने अर्को पक्षको अडान पश्चात् विवाद हँुदा झडप भएको थियो ।