कोरोना सङ्क्रमण पुष्टिका सात महिनाः ३४ हजार सङ्क्रमित र १ सय ७५ को मृत्यु

नेपालमा कोरोना सङ्क्रमित पहिचान भएको सात महिना पुरा भएको छ यो अवधिमा सङ्क्रमितको सङ्ख्या ३४ हजार नाघेको छ भने मृत्यु हुनेको सङ्ख्या १ सय ७५ पुगेको छ ।

गत माघ ९ गते पहिलो सङ्क्रमित पहिचान भएपछि दुई महिनासम्म नयाँ सङ्क्रमित फेला परेका थिएनन् ।

दुई महिनापछि गत चैत १० गते दोस्रो सङ्क्रमितको पहिचान भएको थियो । गत वैशाख १० गतेसम्म आइपुग्दा सङ्क्रमितको सङ्ख्या बढेर ६५ पुगेको थियो । यो अवधिसम्म अवस्था सामान्य भएपनि ०७६ चैत ११ गतेबाट नै लकडाउन गरिएको थियो ।

जेठ २ गते कोरोनाका कारण पहिलो मृत्यु भयो । जेठ १० गतेसम्म आइपुग्दा सङ्क्रमितको सङ्ख्या बढेर ५ सय ८४ पुग्यो भने मृत्यु हुनेको सूचीमा एक जनाको नाम थपियो ।

त्यसयता कोरोनाको सङक्रमणमा उच्च वृद्धि भएको तथ्याङ्कले देखाउँछ । असार १० गतेसम्म २ हजार ३ सय ८३ जनामा कोरोना सङ्क्रमण पुष्टि भयो भने २४ जनाको मृत्यु भयो ।

सङ्क्रमित पहिचानको ६ महिनामा (साउन १० गतेसम्म) सङ्क्रमितको सङ्ख्या १८ हजार ४ सय ८३ पुग्यो भने मृत्यु हुनेको सङ्ख्या ४५ पुग्यो ।

त्यसपछिको एक महिनामा मृत्यु हुनेको सङ्ख्या हवात्तै बढेको तथ्याङ्कले देखाउँछ । साउन १० गतेदेखि भदौ १० गतेसम्मको पछिल्लो एक महिनाको अवधिमा १५ हजार ९ सय ३५ सङ्क्रमित थपिएका छन् भने १ सय ३० जना सङ्क्रमितको मृत्यु भएको छ ।

यो तथ्याङ्कलाई हेर्दा अहिले नेपालमा कोरोना सङ्क्रमणको महामारी डरलाग्दो रूपमा वृद्धि भएको छ ।

पछिल्लो एक साताको तथ्याङक हेर्दा प्रतिदिन ६ सय ८१ जनामा कोरोना देखिएको छ भने प्रतिदिन सात जनाको मृत्यु भएको छ ।
सात दिनको तथ्याङ्कलाई यहाँ तालिकामा प्रस्तुत गरिएको छ ।

पछिल्लो एक साताको तथ्याङक हेर्दा प्रतिदिन ६ सय ८१ जनामा कोरोना देखिएको छ भने प्रतिदिन सात जनाको मृत्यु भएको छ ।