पोखरा महानगरपालिका–७ बस्ने विप्लव नेतृत्वको नेपाल कम्युनिष्ट पार्टी कास्कीका पुर्व सदस्य ४५ वर्षीय कृष्ण घिमिरे ‘टिकाराम’लाई घरैबाट मङ्सिर ११ गते प्रहरीले गिरफ्तार गरेको छ ।
पोखरा मनपा–९ प्रदर्शनी केन्द्रस्थित नेपाल कम्युनिष्ट पार्टी (नेकपा)को चुनावी सभा नजिकै बम विष्फोट भएपछि वडा प्रहरी कार्यलय बैदामको टोलीले घिमिरेलाई गिरफ्तार गरेको हो ।
वडा प्रहरी कार्यलय बैदामका डिएसपी कोमल साहले सोधपुछका लागी गिरफ्तार गरिएको बताउनुभयो । ‘सोधपुछका लागि गिरफ्तार गरेका हौँ । थप अनुसन्धान हुँदैछ ।’–साहले भन्नुभयो ।