त्रिपुरासुन्दरी नपा–१ की ४४ वर्षीया मनकुमारी शाहीलाई कथित बोक्सीको आरोपमा कुटपिट गरेको घटनाका आरोपित सोही ठाउँका ३५ वर्षीय जयबहादुर शाहीलाई प्रहरीले असोज २२ गते गिरफ्तार गरेको छ ।
आफूलाई कथित बोक्सीको आरोपमा जयबहादुरले असोज २१ गते साँझ कुटपिट गरेको भन्दै पीडितले असोज २२ गते प्रहरी चौकी त्रिपुराकोटमा उजुरी दिएकी थिइन् ।
‘बोक्सी लगाएर घोडा बिरामी बनाएको’ भन्दै जयबहादुरले असोज २१ गते साँझ आफूलाई कुटपिट गरेको पीडितले आरोप लगाइन् ।
घटनामा संलग्न पक्षलाई कारवाहीको माग गर्दै पीडितले उजुरी दिएपछि गिरफ्तार गरिएको प्रहरी चौकीका इञ्चार्ज टेकबहादुर देउवाले जानकारी दिए । छलफलका लागि दुवै पक्षका आफन्तलाई असोज २३ गते बोलाइएको प्रहरीले जनाएको छ ।