आठ वर्षीया बालिकालाई बलात्कार गरेको कसुरमा जिल्ला अदालतले असार २४ गते सुन्दरहरैँचा नगरपालिका–७ का ६० वर्षीय भिमबहादुर मगरलाई १० वर्ष कैदको फैसला सुनाएको छ ।
न्यायाधीश राजुकुमार खतिबडाको इजलासले मगरलाई १० वर्ष कैदसँगै पीडितलाई ३० हजार रुपियाँ क्षतिपूर्ति भराउने फैसला गरेको श्रेष्तेदार नवराज दुलालले बताए ।
पीडित बालिकालाई मगरले गत वैशाख २ गते बलत्कार गरेको भन्दै पीडित पक्षले वैशाख ४ गते इलाका प्रहरी कार्यालय बेलवारीमा उजुरी दिएको थियो ।
मगरलाई प्रहरीले वैशाख ६ गते गिरफ्तार गरी अनुसन्धानपछि वैशाख २७ गते जिल्ला अदालत मोरङमा मुद्दा दायर गरेको थियो ।
पीडित बालिकाको स्वास्थ्य परीक्षण वैशाख ५ गते धरानस्थित विपी कोइराला स्वास्थ्य विज्ञान प्रतिष्ठानमा गरीएको थियो ।