१५ वर्षीया बालिकालाई बलात्कार गरेको कसुरमा फिदिम नपा–१२ का ४६ वर्षीय श्याम लिम्बू भनिने श्यामप्रसाद हाङसरुम्बालाई जिल्ला अदालतले जेठ १७ गते तीन वर्ष कैदको फैसला गरेको छ ।
न्यायाधीश मनोज केसीको इजलासले सो फैसला गरेको अदालतका श्रेस्तेदार मोहन जवेगूले बताए । पीडित बालिकालाई हाङसरुम्बाले ०७४ जेठ २० गते बलात्कार गरेको आरोपमा जेठ २३ गते पीडितका आफन्तले प्रहरीमा उजुरी दिएका थिए ।
प्रहरीले आरोपितलाई सोही दिन गिरफ्तार गरेको थियो । पीडित बालिकाको स्वास्थ्य परीक्षण जेठ २३ गते जिल्ला अस्पतालमा गरिएको थियो ।