१४ वर्षीया बालिकालाई बलात्कार गरेको कसुरमा जिल्ला अदालतले पथरीशनिश्चरे नपा-७ का २२ वर्षीय दीपक रसाइलीलाई जेठ ७ गते ६ वर्षकैदको फैसला सुनाएको छ ।
न्यायाधीश नवराज दाहालको इजलाशले कैदसँगै २५ हजार रुपियाँ पीडितलाई क्षतिपूर्ति भराउने फैसला सुनाएको श्रेष्तेदार नवराज दुलालले बताए ।
रसाइलीले विवाह गर्छु भन्दै बालिकालाई फकाएर आफ्नै घर लगि गत फागुन ३० गते बलात्कार गरेको पीडितका आफन्तको भनाई छ ।
पीडित परिवारको उजुरीका आधारमा रसाईलीलाई चैत १ गते प्रहरीले गिरफ्तार गरी अदालतमा पेश गरेको थियो ।
पीडित बालिकाको स्वास्थ्य परीक्षण चैत १ गते कोशी अञ्चल अस्पताल विराटनगरमा गरिएको थियो ।