१४ वर्षीया बालिकालाई ०७४ कात्तिक २४ गते बलात्कार गरेको कसुरमा भरतपुर महानगरपालिका-५ का २४ वर्षीय सरोज रसाइलीलाई जिल्ला अदालतले जेठ ३ गते १० वर्षकैदको फैसला सुनाएको छ ।
न्यायाधीश वासुदेव न्यौपानको इजलासले यस्तो फैसला सुनाएको हो । पीडित पक्षले ०७४ कात्तिक २६ गते जिल्ला प्रहरी कार्यालय चितवनमा उजुरी दिएकी थिइन् । रसाइलीलाई प्रहरीले कात्तिक २६ गते नै गिरफ्तार गरेको थियो । पीडित बालिकाको स्वास्थ्य परीक्षण कात्तिक २६ गते भरतपुर अस्पतालमा गरिएको थियो ।