कास्की कारागारबाट भागेका ५५ वर्षीय देवबहादुर विश्वकर्मा पोखरा महानगरपालिका–२६ बरालडाँडास्थित आफ्नै एक तले कच्ची घरको सुत्ने कोठामा बाँसको बलोमा प्लास्टिकको डोरीको पासो लगाई झुन्डिएको अवस्थामा फेला परेका छन् । प्रहरीले झुन्डिएको व्यक्ति हालै कास्की कारागारबाट भागेका कैदी भएको जनाएको छ। उनी कास्की कारागारमा कर्तव्य ज्यान मुद्दामा कैदी थिए र भदौ २४ गतेको ‘जेनजी आन्दोलन’का क्रममा अन्य कैदीसँगै कारागारबाट भागेका थिए।
०८२ कार्तिक ४ गते विश्वकर्मा झुन्डिएको खबर पाएपछि प्रहरी टोली घटनास्थल पुगेको जिल्ला प्रहरी कार्यालय, कास्कीका डिएसपी हरिबहादुर बस्नेतले जानकारी दिए। उनका अनुसार घटनाको समयमा घरमा कोही पनि नभएको र मुचुल्का गरी शव पोष्टमार्टमका लागि पश्चिम क्षेत्रीय अस्पताल पठाइएको छ।
सञ्जय रानाभाट