१८ वर्षीया युवतीलाई बेचबिखनका उद्देश्यले कामका लागि कतार लैजाने भन्दै माडीठोरी हुँदै भारत लैजाने क्रममा गिरफ्तार भएका तीन जना आरोपितलाई जिल्ला अदालतले जेठ २ गते कसुरदार ठहर गर्दै प्रत्येकलाई १० वर्ष कैद र जनही ५० हजार रुपियाँ जरिवानाको फैसला गरेको छ ।
न्यायाधीश राजेन्द्र अधिकारीको इजालासले आरोपितहरू भरतपुर मनपा–११ की ३० वर्षीया कुमारी बिक, ४० वर्षीय धनबहादुर बिक र ४२ वर्षीय महेन्द्र सुनारलाई उक्त फैसला सुनाएको अदालतका शाखा अधिकृत हरिगोपाल ज्ञवालीले बताए ।
०७४ चैत २२ गते उनीहरूलाई माइती नेपालले ठोरी नाकाबाट नियन्त्रणमा लिइ प्रहरीलाई बुझाएको थियो ।