इन्सेका लगाएत गैरसरकारी संस्थाको आयोजनामा जाजरकोटमा अन्तराष्ट्रिय जातीय विभेद उन्मुलन दिवसको अवसरमा सरोकारवालाहरूसँग जातीय उन्मुलनमा हाम्रो भूमिका विषयक अन्तरक्रिया कार्यक्रम सम्पन्न गरिएको छ । जाजरकोट सदरमुकाममा जातीय विभेद उन्मुलन दिवस मनाइएको हो ।
नागरिक समाज जाजरकोटका संयोजक राजेन्द्रविक्रम शाहको अध्यक्षतामा भएको कार्यक्रममा अधिकारकर्मीहरूले वितग भन्दा वर्तमान अवस्थामा जातीय विभेदमा कमी आएको बताउनु भयो । भेरी नगरपालिका-१३ का दिपक नेपालीले दलित, दलितमै जातीय विभेद कायम रहेको बताउँदै दलित र गैर दलितसग धेरै विभेद रहेको उल्लेख गर्नुभयो । पछिल्लो समयमा केही राजनीतिक परिवर्तनसँगै सुधार हुँदै गएको बताउनु भयो ।
इन्सेक जाजरकोट प्रतिनिधिले गाउँवस्तीमा रहेका विहान बेलुका छाक जुटाउन नसक्ने अवस्थाका गरिव, दलित समुदायका बालबालिका शिक्षा, स्वास्थ्य, रोजागरीको सिर्जना गर्न सके जातीय विभेद अन्त्य हुँदै जाने बताउनु भयो । सरकारले गरिव, बिपन्न, दलित आर्थिक अवस्था कमजोर भएका बर्गलाई जवाफदेही, पारदर्शी, समान सहभागीता, जोड्न सकेपछि मात्र विभेद अन्त्य हुने उहाँको भनाई छ ।
जिल्ला समन्वय समितिका उपप्रमुख दलबहादुर सिहले विगतम विद्यालय नभएको, पढ्ने वातावरण नभएको र अहिले विद्यालय खुलेका कारण सबैले पढ्ने अधिकार भएको बताउनु भयो । उहाँले शिक्षा र चेतानाले नागरिकलाई अघि बढाउने भएकाले शिक्षित परिवार बनाउन लाग्न आग्रह गर्नुभयो । विगतमा जातीय विभेद छैन भन्दै हिँडेका राजनीतिक दलले पहुँचमा पुगेपछि बिर्सिन थालेको बताउनु भयो । समाज रुपान्तरमा लागेका अधिकारकर्मीले सशक्त रुपमा आवास उठाउनु पर्ने धारण राखेका थिए ।
