इन्सेकको सहयोगमा घोडाघोडी नगरपालिका–२ साडेपानीस्थित दशरथ माध्यामिक विद्यालयस्तरीय बाल अधिकार चेतना समूहले बाल विवाहविरुद्ध जनचेतना फैलाउने उद्देश्यले ०८१ माघ २१ गते सडकनाटक प्रदर्शन गरेको छ ।
दशरथ माध्यामिक विद्यालयका पधानाध्यापक नरबहादुर चौधरीले समाजमा हुने बालविवाह, अन्तरजातीय विवाह र दाइजो प्रथाले घरेलु हिंसा निम्तिने र बालबालिका तथा महिलामा नकारात्मक असर पर्ने हुदा घरेलु हिंसाको कानुनी उपचारलगायतका विषयमा सन्देश दिन बाल अधिकार चेतना समूले बाल विवाहविरुद्ध सडकनाटक प्रदर्शन गरेको बताउनु भयो ।
इन्सेक जिल्ला सहजकर्ता बिरेन्द्र शाहले मानव अधिकार शिक्षा कार्यक्रम अन्तर्गत स्थानीय समुदायलाई अधिकार र कर्तव्यप्रति सचेत पार्दै जिम्मेवार निकायलाई जबाफदेही बनाउने उद्देश्यले बाल अधिकार चेतना समूहले सडक नाटक मञ्चन गरेको बताउनु भयो ।
सरस्वती पुजाको अवसरमा सडक नाटक कार्यक्रममा शिक्षक, विद्यार्थी, अभिभावक, जनप्रतिनिधि, बाल अधिकार चेतना समूहका पदाधिकारीलगायत स्थानीयहरूको सहभागिता रहेको थियो ।
