नेपाल मानव अधिकार वर्ष पुस्तक २०२० का लागि मनाङ जिल्लामा आयोजित समीक्षा कार्यक्रममा प्रमुख जिल्ला अधिकारी पुष्पराज पौडेलले जिल्लामा मानव अधिकार संरक्षणमा उच्च सतर्कता अपनाइएको बताउनुभयो ।
हिमाली जिल्ला मनाङमा जिल्ला प्रशासनमा यो वर्ष अभद्र व्यवहारका कुनै पनि मुद्दा नरहेको पौडेलको भनाइ छ ।
कार्यक्रममा सशस्त्र प्रहरी बलका डिएसपी रमेश भुवाजीले मनाङ मानव अधिकार र सुरक्षाको दृष्टिकोणले उत्कृष्ट जिल्ला भएको बताउनुभयो ।
नेपाल प्रहरीका इन्सपेक्टर श्रवणकुमार बिकका अनुसार जिल्लामा यो वर्ष मानव अधिकार ज्यादतीका आठ ओटा मात्र घटनाहरूमा उजुरी परेको जानकारी दिनुभयो ।
कार्यक्रममा शिक्षा एकाई प्रमुख नारायण रेग्मी, जनस्वास्थ्य इकाई निमित्त प्रमुख बद्रीराज आचार्य, चामे गाउँपालिकाका इन्जिनियर लक्ष्मण गौली लगायतको उपस्थिती थियो ।
इन्सेक लमजुङ प्रतिनिधि दलबहादुर मजाकोटीले मनाङमा यो वर्ष बलात्कारको एक र घरेलु हिंसा एक गरी दुई ओटा घटनाको प्रतिवेदन प्रस्तुत गर्नुभएको थियो ।
