१७ वर्षीया बालिकालाई यौन दुर्व्यवहार गरेको आरोपमा शिवराज नगरपालिका–७, वालापुरका ६२ वर्षीय पुजारी प्रसाद चौधरी कुर्मी विरुद्ध इलाका प्रहरी कार्यालय, चन्द्रौटामा ०८१ मङ्सिर १० गते उजुरी दर्ता भएको छ ।
पीडित बालिकालाई आरोपितले कात्तिक २९ गते यौन दुर्व्यवहार गरेको भन्दै पीडित पक्षले इलाका प्रहरी कार्यालय, चन्द्रौटामा उजुरी दिएको थियो । घटनाका आरोपित फरार रहेकाले खोजी कार्य भइरहेको जिल्ला प्रहरी कार्यालयका डिएसपी मोहनमणी अधिकारीले बताउनु भयो ।
पीडितको स्वास्थ्य परीक्षण मङ्सिर ८ गते बहादुरगंज अस्पताल, बहादुरगंजमा भयो ।