अमरगढी नगरपालिका–७ पोखराकी १४ वर्षीया बालिका आरती भट्टराईलाई ०८१ असोज २५ गते बलात्कार गरी हत्या गरेको आरोपमा प्रहरीले सोही ठाउँका ५८ वर्षीय टेक भण्डारीलाई असोज २६ गते गिरफ्तार गरेको छ ।
बालिकाको बलात्कार गरी हत्या गरिएकोले आरोपित विरुद्ध प्रहरीका जाहेरी दिएको पीडितकी आमा रत्ना भट्टराईले बताउनु भयो ।
पीडित पक्षले दिएको उजुरीका आधारमा आरोपितलाई गिरफ्तार गरी अनुसन्धान भइरहेको र शवको पोष्टमार्टमका लागि डडेल्धुरा अस्पतालमा राखिएको जिल्ला प्रहरी कार्यालय, डडेल्धुराका डिएसपी सुगन्ध श्रेष्ठले बताउनु भयो ।
मिलमा गएकी बालिका भट्टराईको शव प्लास्टीकको बोरामा बेरेर फालेको अवस्थामा फेला परेको र घटनास्थानबाट २० मिटर पूर्वतर्फ नालामा बालिकाले प्रयोग गरेको म.१.प.१४५४ नम्बरको मोटरसाइकल फेला परेको जिल्ला प्रहरी कार्यालय, डडेल्धुराका डिएसपी श्रेष्ठले बताउनु भयो ।
मृतक बालिकाका परिवार तथा आफन्तहरुले दोषीलाई कारबाहीको माग राख्दै भीमदत्त राजमार्ग अन्तर्गत पोखरा बजारमा असोज २६ गतेदेखि निरन्तर रुपमा नाराजुलुस सहित आन्दोलन गरिरहेका छन् ।