१८ वर्षीया युवतीलाई बलात्कार गरेको आरोपमा बुटवल उपमहानगरपालिका–१३, बेलबासका २४ वर्षीय विवेक गुरुङ विरुद्ध इलाका प्रहरी कार्यालय, बुटवलमा ०८१ साउन १८ गते उजुरी दर्ता भएको छ ।
पीडित युवतीलाई विवाह गर्ने प्रलोभन देखाएर आरोपितले ०८० पुस १९ गते बलात्कार गरेको भन्दै पीडित पक्षले साउन १८ गते इलाका प्रहरी कार्यालय, बुटवलमा उजुरी दिएको थियो । पीडित पक्षले दिएको सोही उजुरीका आधारमा फरार आरोपितको खोजी कार्य भइरहेको इलाका प्रहरी कार्यालय, बुटवलका डिएसपी विजयराज पण्डितले इन्सेकलाई जानकारी दिनुभयो ।
पीडितको स्वास्थ्य परीक्षण साउन १८ गते लुम्बिनी प्रादेशिक अस्पताल, बुटवलमा भयो । उक्त परीक्षण गर्दा पीडितको पेटमा आठ महिनाको गर्भ रहेको छ ।