३५ वर्षीया एक महिलालाई राम्रो जागिर लगाइदिने प्रलोभन देखाएर भारतको बाटो हुँदै दुबई लैजाँदै गरेको आरोपमा प्रहरीले बेलहिया नाकाबाट असोज २६ गते उद्धार गरी आरोपितलाई गिरफ्तार गरको छ ।
पीडितलाई नवलपरासी जिल्ला सुनवल नगरपालिका-६ का ४७ वर्षीय हर्कबहादुर थापाले सिमापार गराउँदै गरेको अवस्थामा पीडित महिलाको उद्धार गरी आरोपित हर्कबहादुरलाई गिरफ्तार गरिएको प्रहरीले जनाएको छ । घटनामा संलग्न एक महिला आरोपित फरार रहेको जिल्ला प्रहरी कार्यालय, रुपन्देहीका डिएसपी डिल्लीनारायण पाण्डेले बताए ।
दुबई जान हिँडेकी महिलासँग वैदेशिक रोजगारीमा जाँदा चाहिने पासपोर्ट, नागरिकतालगायतका कागजातनभएको तथा आरोपित र पीडितबिच राम्ररी चिनजान पनि नभएको हुँदा पीडितको उद्धार गरेको पाण्डेले बताए ।