१६ वर्षीया बालिकालाई बलात्कार गरेको आरोपमा इलाका प्रहरी कार्यालय कल्याणपुरले डाक्नेश्वरी नगरपालिका–६ औरहीका २० वर्षीय धर्मेन्द्र सदा विरुद्ध ०८० पुस १० गते उजुरी दर्ता गरेको छ ।
डाक्नेश्वरी नगरपालिका–६ स्थित खाली चौरमा लगेर पुस १ गते राति बलात्कार गरेको भन्दै पीडितकी ४५ वर्षीय भाउजुले पुस ८ गते दिएको उजुरी दर्ता गरिएको प्रहरीले जनाएको छ । पीडितको स्वास्थ्य परीक्षण गजेन्द्रनारायण सिंह अस्पतालमा पुस ८ गते भयो । आरोपित गिरफ्तार भएका छैनन् ।