दोधराचाँदनी नगरपालिका–७ कञ्चनभोजकी २२ वर्षीया द्रोपती बुढा क्षेत्रीको हत्या गरेको आरोपमा प्रहरीले ३४ वर्षीय पति प्रेमबहादुर बुढा क्षेत्रीलाई साउन १९ गते राति गिरफ्तार गरेको छ ।
आरोपितले घरायसी विवादका क्रमा साउन १९ गते राति चक्कु प्रहार गरेर पत्नीलाई गम्भीर घाइते बनाएका थिए । चक्कु प्रहारबाट गम्भिर घाइते हुनु भएको द्रोपतीको उपचारका लागि प्राथमिक स्वास्थ्य केन्द्र, दोधारा लिगएकोमा डाक्टरद्वारा मृत्यु भएको घोषणा गरिएको थियो ।
पत्नी हत्याका आरोपितलाई घटनास्थलबाटै गिरफ्तार गरेर अनुसन्धान भइरहेको ईलाका प्रहरी कार्यालय, दोधाराका इन्स्पेक्टर अर्जुन साउदले बताउनु भयो ।
शवको पोष्टमार्टम साउन २० गते महाकाली प्रादेशिक अस्पतालमा गरिएको थियो । मृतकका आफन्तहरुले हिन्दु परम्परा अनुसार साउन २१ गते महाकाली नदीमा शवको दाहसस्कार गरेका छन् ।