समचार सम्प्रेषण गरेको बिषयलाई आधार बनाएर सामाजिक सञ्जाल फेसबुकमा ज्यान मार्ने धम्की दिएको भन्दै पत्रकार महासङ्घकी केन्द्रिय सदस्य सुष्मा पौडेलले जेठ १० गते जिल्ला प्रहरी कार्यलय कास्कीमा उजुरी दिएकी छन् ।
फेसबुकमा “कार्की कार्की” नाम गरेका एक व्यक्तिले सामाजिक सञ्जाल फेसबुकमार्फत पोखरामा कार्यरत पत्रकार सुष्मालाई स्थानीय तहको मतगणनाको विषयमा समचार सम्प्रेषण गरेकै आधारमा ज्यान मार्ने धम्की दिएको पीडित पत्रकारले बताइन् ।
पत्रकारको सुरक्षा र आरोपितलाई पत्ता लगाई कारबाही गरीपाँउ भन्दै पौडेलले प्रहरीमा जेठ १० गते उजुरी दिएकी हुन् ।
जिल्ला प्रहरी कार्यलयका डिएसपी खड्कबहादुर खत्रीका अनुसार आरोपितको खोजी कार्य सुरु गरिएको छ । उनले साइबर क्राइमसम्बन्धी उजुरी भएकोले निवेदनलाइ महानगरीय प्रहरी परिसर काठमाडौँमा थप अनुसन्धानको लागि पठाउने तयारी गरेको बताए ।