सुस्त मनस्थितीकी एक बालिकालाई बलात्कार गरेको आरोपमा कपिलबस्तु जिल्ला, बुद्धभुमि नगरपालिका–३ घर भई हाल मध्यपुरथिमि नगरपालिका–२ मगरगाँउ बस्ने ४० वर्षीय राजु नेपालीलाई प्रहरीले ०७९ असोज ७ गते गिरफ्तार गरेको छ ।
बालिकालाई फकाएर मध्यपुरथिमि नगरपालिका–२ मगरगाँउस्थित आफ्नै कोठामा लगेर असोज ५ गते बलात्कार गरेको भन्दै पीडितका आफन्तले असोज ६ गते महानगरीय प्रहरी वृत थिमिमा उजुरी दिएका थिए ।
प्रहरीले आरोपित नेपालीलाई कोटेश्वरबाट गिरफ्तार गरेको महानगरीय प्रहरी परिसर भक्तपुरका डिएसपी राजु पाण्डेले जानकारी दिनु भयो ।
आरोपित नेपाली विरुद्ध प्रहरीले असोज ७ मुद्दा दर्ता गरी आवश्यक थप अनुसन्धान अगाडि बढाएको डिएसपी पाण्डेले जानकारी दिनु भयो ।
पीडित बालिकाको स्वास्थ्य परीक्ष्ण असोज ६ गते भक्तपुर अस्पतालमा गरियो ।